Найруулагч

Бат-Өлзийн Баатар

Bat-Ulzii Baatar

Бат-Өлзийн Баатар бол The Mongol Khan болон HERO Entertainment студийн Ерөнхий захирал, найруулагч. 2004 онд HERO Entertainment студийг үүсгэн байгуулсан. Түүний 2022 онд тавьсан «Тамгагүй төр» жүжиг Улаанбаатар, Лондон, Сингапур, Токио, Нагоя хотын тайзнаа тоглогдсон.

Тэрээр Монголын Үндэсний Телевиз, G Entertainment зэрэг Монголын тэргүүлэх телевиз, студид ажиллаж байсан. 2004 оноос HERO Entertainment студийг байгуулж, найруулагч, Ерөнхий захирлаар ажиллаж байна.

Дээрх хугацаанд уран бүтээлчдийн 90 гаруй клип, арилжааны 350 орчим реклам, бүрэн хэмжээний баримтат кино, уран сайхны кино, намтар судлалын баримтат уран сайхны цуврал нэвтрүүлгүүд , цэнгээнт шоу тоглолтууд, мөн тооны тайз заслууд, албан байгууллагууд, аж ахуйн нэгжүүд, төр нийгмийн хүндэтгэл ёслолын арга хэмжээнууд, сайн санааны хандивын үйл ажиллагаа зэрэг энтертэймент чиглэлийн бүх үйл ажиллагааг амжилттай зохион байгуулжээ.

2009 онд найруулсан «Би чамд хайртай-2» уран сайхны кино нь Монголын хамгийн олон үзэгчтэй киногоор шалгарсан. 2011 онд «Татар ажиллагаа» уран сайхны кино нь БНСУ-ын 15 дахь удаагийн Пучоны олон улсын кино наадмаас Jury’s Choice шагнал хүртэж, Италийн Удинэ хотод болсон Far East Film Festival-ийн 13 дугаар наадамд Азийн шилдэг 10 киноны нэгээр шалгарчээ.

2012 оноос Монгол Улсын болон дэлхий даяар түгэн суурьшсан монгол үндэстний алдартай хүмүүсийг оролцуулсан «Монгол тулгатны 100 эрхэм» цуврал нэвтрүүлгийг бүтээсэн нь Монгол төдийгүй БНХАУ, ОХУ-д өндөр үзэлттэй контент болсон.

2020 онд Соёлын яамтай хамтран хүүхдийн төлөө уран бүтээлчдийн хандивын теле-тоглолтыг зохион байгуулж, 2.2 тэрбум төгрөгийн хандив цуглуулав. Найман цаг шууд үргэлжилсэн уг тоглолтыг 1.6 сая гаруй хүн үзсэн бөгөөд Монгол, Буриад, Тува, Өвөр Монгол, Халимагийн 350 гаруй уран бүтээлч оролцжээ.

Мөн 2020 онд цар тахлын улмаас Үндэсний их баяр наадмыг түүхэнд анх удаа цахим хэлбэрээр найруулан, телевизээр шууд нэвтрүүлсэн нь 373 мянган үзэлт авсан; 2021 оны наадмын концерт 870 мянган үзэлтэд хүрсэн. Мөн онд хөл хорионы үеэр «Карантин-14» теле шоуг бүтээсэн нь 1.2 сая үзэлт цуглуулсан байна.

2022 онд Улсын драмын эрдмийн театрт Ардын уран зохиолч Б.Лхагвасүрэнгийн зохиолоор «Тамгагүй төр» үндэсний драмын жүжгийг физикл-драм хэлбэрээр найруулан тавьсан. Уг тавилт нь дараа нь The Mongol Khan нэрээр Лондонгийн London Coliseum, Сингапурын Sands Theatre, Японы Токио, Нагояагийн тайзнаа гарчээ.

Он дараалал

2004HERO EntertainmentСтудийг үүсгэн байгуулж, найруулагч, Ерөнхий захирлаар ажиллаж эхэлсэн.
2009«Би чамд хайртай-2»Монголын хамгийн олон үзэгчтэй уран сайхны киногоор шалгарсан.
2010—2011«Татар ажиллагаа»PiFan наадмаас Jury’s Choice шагнал; Удинэгийн Far East Film Festival-д Азийн шилдэг 10 киноны нэг.
2012«Монгол тулгатны 100 эрхэм»Цуврал нэвтрүүлгийг бүтээж эхэлсэн.
2020Хандивын теле-тоглолтСоёлын яамтай хамтран 2.2 тэрбум төгрөгийн хандив цуглуулсан.
2020—2021Үндэсний их баяр наадамНаадмыг анх удаа цахимаар найруулж, дараа жил нь наадмын концертыг найруулсан.
2022«Тамгагүй төр» нээлтУлсын драмын эрдмийн театрт физикл-драм хэлбэрээр тавигдсан.
2023Лондон, London ColiseumАрваннэгдүгээр сарын 17 – арванхоёрдугаар сарын 2.
2024Сингапур, Sands TheatreАравдугаар сарын 17 – арваннэгдүгээр сарын 3.
2025Япон — Токио, НагояАравдугаар сарын 10-20 Токио, 24-26 Нагоя.

Эх сурвалж

Дараах баримт бүр эх сурвалжтай. Дугаар дээр дарж эх сурвалж руу шилжинэ.

[1]Бат-Өлзийн Баатар — албан ёсны танилцуулга — HERO Entertainment / The Mongol Khan, 2026 (Онлайнд нийтлэгдээгүй)Анхдагч эх сурвалжНайруулагчийн багаас өгсөн албан ёсны танилцуулга. Анхдагч эх сурвалж тул тоон үзүүлэлтийг бие даасан эх сурвалжаар нягтлахыг зөвлөнө.
[2]Operation Tatar — AsianWikiЛавлахНайруулагч, нээлтийн огноо, PiFan 2011 «Jury’s Choice» шагнал, наадмын сонголтууд.
[3]15 дахь удаагийн Пучоны олон улсын кино наадам (2011) — AsianWiki, 2011Лавлах
[4]The Mongol Khan — Wikipedia (English)ЛавлахТавилтын түүх, багийн бүрэлдэхүүн, тоглолтын тоо.
[5]『The Mongol Khan』Japan Tour 2025 が日本初上陸 — エンタメターミナル (Entame Terminal), 2025-03Хэвлэл, шүүмжТокио, Нагояагийн тоглолтын огноо, танхимын нэр.
[6]Review: THE MONGOL KHAN is Theatrical Brilliance — BroadwayWorld Singapore, 2024-10-27Хэвлэл, шүүмж
[7]About me — herobaatar.mnАнхдагч эх сурвалж